د پناه غوښتنې د قضیې د چمتو کولو په تړاو خبرې اترې

له خبرو اترو مخکې به د اخبرو اترو د موضوع او په خبرو اترو کې د پوښتنو د څرنګوالي په هکله زمونږ له خوا لیک تر لاسه کړئ تر څو وکولای شئ د خبرو اترو لپاره چمتووالی ونیسئ. دا مهمه ده چې لیک په غور سره ولولئ او ځان خبرو اترو ته چمتو کړئ. همدارنګه د هغو اسنادو راوړل مه هیروئ چې مونږ یې غوښتنه کړې ده.

که ماشومان خبرو اترو ته رابلل شوي نه وي، هغوی نشي کولای چې په خبرو اترو کې ګډون وکړي. د اړتیا په وخت کې باید د ماشومانو د ساتنې لپاره پخپله څوک پیدا کړئ.

·   مونږ تاسو ته د خبرو اترو بلنه په دیجیتل توګه د برېښنالیک له لارې دراستوو.

·   د بلنې دراستولو لپاره باید ستاسو برېښنالیک راجستر کړو.

·   د غونډې وخت په بلنه کې شتون لري او د مایکروسافت تیمس لینک هم وسره مل دی.

·   د غونډې له پېلېدو مخکې لینک ته فشار ورکړئ.

·   تاسو باید په داسې ځای کې کښينئ چې څوک درته مزاحمت ونکړي او نور خلک مو خبرې وا نه وري.

په خبرو اترو کې ټول ګډونوال د راز ساتلو مکلفیت لري. دا په دې معنی ده چې دوی اجازه نلري چې ستاسو د قضیې په اړه په نورو ځایونو کې خبرې وکړي.

معمولاً د شکایتونو د څېړلو د پلاوي مشر د خبرو اترو مشري کوي. سربیره پر دې، کیدای شي لاندې کسان هم په خبرو اترو کې ګدون وکړي:

·   د دوسیې مسؤل

·   وکیل یا بل قانوني واک لرونکی کس

·   ژباړونکی (ترجمان)

·   د ماشومانو لپاره: سرپرست، ټاکل شوی استازی یا بل ملاتړی

·   لومړی به ټول خپل ځانونه معرفي کوي. که خبرې اترې د تیمس له لارې ترسره کېږي، مونږ به وګورو چې ټول د یو بل خبرې اوریدلای شي او که نه، چې ټول په جلا ځای کې ناست وي او په تخنیکي شیانو کې کومه ستونزه نه وي.

·   مونږ معمولاً له تاسو څخه غوښتنه کوو چې د موضوع په اړه په آزاده توګه خبرې وکړئ. ځيني وخت کیدای شي خبرې اترې د مرکې (انتروي) په څیر وي، یعنې مونږ به پوښتنې کوو او تاسو به ځوابونه راکوئ.

·   که له تاسو سره وکیل، سرپرست یا بل څوک وي، هغوی هم پوښتنې کولای شي.

·   مونږ د خبرو اترو راپور لیکو او د غونډې په پای کې د خبرو اترو اصلي ټکو ته کتنه کوو.

·   د غونډې راپور له غونډې وروسته تاسو ته دراستول کېږي. که تاسو وکیل، سرپرست یا بل استازی ولرئ، هغوی به هم راپور ترلاسه کړي.

که چیرې مونږ تاسو خبرو اترو ته رابللي یاست، د کډوالو د شکایتونو د څېړلو اداره (UNE) به ستاسو لګښتونه ورکړي. د بېلګې په توګه، د وکیل او یا په بهر کې د بهرنیو چارو دفتر ته تګ را تګ.

همداشان مونږ د تلیفوني او په دیجیتل توګه د خبرو اترو لګښت هم ورکوو، د بېلګې په توګه، که اړینه وي چې تاسو د وکیل او یا په بهر کې د بهرنیو چارو دفتر ته باید ولاړ شئ.

که چیرې د خبرو اترو غوښتنه تاسو کړي وي، لګښتونه مو مونږ نه ورکوو. همدارنګه مونږ د هغو کسانو لګښتونه هم نه ورکوو چې زمونږ له خوا نه وي رابلل شوي. د داسې لګښتونو د تر لاسه کولو لپاره باید مخکې له مخکې د کډوالو د شکایتونو د څېړلو له ادارې سره اړیکه ونیسئ او اړتیا یې په ښه توګه بیان کړئ.

مونږ د خبرو اترو په تړاو د وکیل لګښت نه ورکوو. که چیرې تاسو وکیل ولرئ، مونږ کولای شو د وکیل د سفر او شپې تیرولو د ځای لګښت ورکړو.

که تاسو د سفر د لګښتونو د تر لاسه کولو حق ولرئ، باید یوه فورمه ډکه او له رسیدونو (English only) سره یو ځای یې لاندې برېښنالیک ته راواستوئ: supportoko@une.no. تاسو کولای شئ یاد شیان مونږ ته د پوستې له لارې (English only).هم راواستوئ. مونږ د بس، اورګاډي او میترو لګښت ورکوو، خو د ټکسي لګښت معمولاً نه ورکول کېږي. که ستاسو لپاره د ټکسي کارول اړین وي، په دې اړه باید مخکې له مخکې د کډوالو د شکایتونو د څېړلو له ادارې څخه اجازه ترلاسه شي.

که تاسو د الوتکې یا سیمه ییز اورګاډې له لارې سفر کوئ، ټکټونه باید د تلیفون له لارې د Egencia ټکټ پلورولو شرکت څخه راوغواړئ. د تلیفون شمېره: ۲۳۱۵۰۴۳۰ د اړیکې په وخت کې یاد شرکت ته کوډ او د مراجعې شخصي شمېره (referansenummere) ورکړئ. یاد کوډ او شمېره زمونږ په لیک کې شتون لري.

که چیرې خبرې اترې باید د کډوالو د شکایتونو د څېړلو په دفتر کې تر سره شي او تاسو د شپې تیرولو ځای ته اړتیا ولرئ، کولای شئ د کډوالو د شکایتونو د څېړلو له ادارې سره د لاندې برېښنالیک له لارې اړیکه ونیسئ: mail_inka@une.no

مونږ په فروګنر کې له Clarion Collection Hotel Gabelshus هوټل سره قرارداد لرو. پته: Gabels gate 16 په هوټل کې سهارنۍ، د غرمې د ډوډۍ بستې او ماښام ډوډۍ ورکول کېږي او د کډوالو د شکایتونو د څېړلو له ادارې څخه ورته په پښو شاوخوا ۳۵ دقیقې لاره ده. تاسو کولای شئ له Skillebekk څخه ۱۳ شمېره برقي بس (تریک) ونیسئ او په Dronningens gate ترې کوز شئ.

هغه وکیلان چې باید د الوتکې یا سیمه ییز اورګاډي له لارې سفر وکړي، کولای شي د اړتیا په صورت کې د سفر او په هوټل کې د شپې تیرولو د ځای لګښت ترلاسه کړي. وکیل باید له Egencia ټکت پلورلو شرکت څخه ټکټ راوغواړي. سفر او هوټل باید خبرو اترو ته له بلنې وروسته ژر تر ژره په یو وخت ریزرف شي. ریزرفونکی باید کوډ او د مراجعې شمېره د ټکټ پلورلو شرکت ته ورکړي. کوډ او یاده شمېره د UNE په لیک کې موندلای شئ.

د ټکټ پلورلو شرکت هغه هوټلونه کاروي چې د کډوالو د شکایتونو د څېړلو اداره (UNE) ورسره قرارداد لري. مونږ اوسمهال له Comfort Hotell Børs او Comfort Hotell Karl Johan هوټلونو سره قراردادونه لرو.تاسو یوازې هغه وخت له نورو هوټلونو څخه ګټه پورته کولای شئ چې په یادو هوټلونو کې ځای نه وي. وکیلان باید د دولت د سفر له مقرراتو سره سم په ارزانه، ګړندۍ او چاپېریال ته د ګټورې لارې سفر وکړي.

د کډوالو د شکایتونو د څېړلو اداره (UNE) له Egencia reisebyråe سره موافقه لري. تاسو باید د الوتکې/اورګاډي ټکټونه او هوټل د همدې شرکت له لارې ریزف کړئ. تاسو دا کار د تلیفون یا برېښنالیک له لارې ترسره کولای شئ:

د تلیفون شمېره: ۲۳۱۵۰۴۳۰ (۲۴ ساعته)

برېښنالیک: customer_service@egencia.no

د ټکټونو او هوټل ریزرف باید د امکان تر حده په رسمي وخت کې تر سره شي.