ኣብ ሽማግለኣዊ ኣኼባ ክትሳተብ ኢኻ።
- ኣብቲ ኣኼባ ምሳኻ ጠበቓ ወይ ካላእ ወኪል ንክትማላእ መሰል ኣለካ
እንተድኣ ጠበቓ ዘይብልካ ኰይኑ: ንገለ ውድብ ብምውካስ ሓገዝ ክትሓትት ትኽእል ኢኻ። ገለ ኣብነታታ ካብተን ክሕግዛ ዝኽእላ ውድባት ከምዘን ዝስዕባ ይዀና፡
ውድብ ሓተቲ ዑቚባ ኖርወይ (NOAS) (ግዳማዊ መራኸቢ)
ዩስቡስ/JussBuss (ግዳማዊ መራኸቢ)
ባዕላዊ ሓገዝ ንስደተኛታት (ሳይፍ/SEIF) (ግዳማዊ መራኸቢ)
ሕጋዊ ምኽሪ ንደቀንስትዮ (ዩርክ/JURK) (ግዳማዊ መራኸቢ)
- ኣርእስቲ ኣኼባ እንታይ ከም ምዃኑ ተዳሊኻሉ ምጻእ
ኣርእስቲ እቲ ኣኼባ ብምልኡ ጉዳይካ ክዀውን ይኽእል ኢዩ። ግን ከኣ ገለ ክፋሉ እውን ክዀው ይኽእል ኢዩ፡ ኣቕዲምና ቅና ንሕብረካ ኢና። መወዳእታ ዝተዋህበትካ ውሳኔ ኩሉ ግዜ ከተንብባ ኣለካ፡ ከምኡ እውን ምስ ወኪልካ ክትዛራረበሉ ኣለካ።
- ኣብ ጉዳይካ ጌጋ ወይ ዘይምርድዳእ ዝተፈጠረ ኣሎ ድዩ፧
ኣብ ጉዳይካ ጌጋ ወይ ዘይምርድዳእን ዝተፈጠረ ኣሎ ትብል እንተድኣ ኰይንካ፡ ክትነግረና ኢዩ ዘለካ። ከም ንኣብነት እቲ ጌጋ ወይ ዘይምርድዳእ ኣብቲ ምስ UDI ዘካየድካዮ ቃለመሕተት ወይ ኣብ ውሳኔ ናይ UDI ክህሉ ይኽእል ኢዩ። ትሕዝቶ ዘቕረብካዮ ጥርዓን ኣቐዲምና ስለ ዘንበብናዮ ምንጋር ኣየድልየካን ኢዩ።
- ኣብዚ ክትርስዖ ዘይብልካ ኸኣ ኩሎም እቶም ኣብቲ ሽማግለኣዊ ኣኼባ ዝሳተፉ ምስጢር ናይ ምዕቃብ ግዴታ ከም ዘለዎም እዩ።
ኩሎም እቶም ኣብቲ ሽማግለኣዊ ኣኼባ ዝሳተፉ ምስጢር ናይ ምዕቃብ ግዴታ ኣለዎም። እዚ ማለት ከኣ ብዛዕባ ጉዳይካ ኣብ ካልእ ቦታ ከይዶም ምስ ዘይምልከቶም ሰባት ክዛራረብሉ ኣይፍቀዶምን ኢዩ ማለት ኢዩ። ስለዚ ድማ ብዛዕባ ጉዳይካ ናጻ ኰይንካ ክትዛራረብ ትኽእል ኢኻ። እቲ ዝካየድ ኣኼባ ዘይምልከቶም ጓኖት መታን ብዛዕባኡ ከይሰምዕዎን ኣፍልጦ ከይረኽቡን ኣብ ዕጹው ማዕጾ ኢዩ ዝካየድ።
- ብዛዕባ ጉዳይካ ዝምልከት ሓድሽ ሓበሬታ እንተኣልዩካ፡ ቅድሚ እቲ ኣኼባ ኢኻ ከተረክበና ዘለካ።
ብዛዕባ ጉዳይካ ዝምልከት ሓድሽ ሓበሬታ እንተኣልዩካ፡ ወይ ከኣ ሓደስቲ ሰነዳት ከተቕርብ ደሊኻ፡ ንስኻ ወይ ወኪልካ ኣቐዲምኩም ቅድሚ እቲ ኣኼባ ክትሰዱልና ኣለኩም። እቲ ምኽንያት መታን እቶም ሽማግለ ንክዳለዉሉ ኣገዳሲ ስለ ዝዀነ ኢዩ።
- ብዛዕባ መንነትካ ዝምልከት ሰነዳት ክህልወና ኣለዎ
መብዛሕቲኡ ግዜ መንነት ኣብቲ ኣኼባ ኣገዳሲ ኣርእስቲ ኢዩ ዝዀውን። እንተድኣ ፓስፖርት ወይ ካልእ መንነትካ ዝገልጽ ሰነዳት ናይ ሃገርካ ኣልዩካ ወይ ከተምጽእ ትኽእል ኰይንካ ብኣግኡ ኣቐዲምካ ቀቅድሚ እቲ ኣኼባ ክትሰደልና ኣለካ። እትሰዶም ሰነዳት መበቈላውያን ኩዀኑ ኣለዎም። መነንት ሓደ ካብቶም መንነትካ ዘብርሁን ንስኻ መን ከም ምዃንካ ዝገልጹን ሓያሎ ውሁሉላት ሓበሬታታት ኢዩ። ገለ ካብቶም ሓበሬታታት ከምኒ ስምካ፡ ዕለተልደትካ፡ ወለድኻ መን ከም ምዃኖምን ኣበይ ከም ዝተወለድካን ዝኣመሰሉ ኢዮም። ነዞም ኩሎም እዚኦም ዝገልጹ ሰነዳት እንተድኣ ዘይብልካ ኰይኑ፡ ብዘየገድስ ከም ዝከኣል መጠን እቶም ኣለውኒ እትብሎም ሰነዳት ከትሰደልና ኣገዳሲ ኢዩ።
- ፍሉይ ክማላኣልካ ዘለዎ ጠለብ እንተልዩ ክትሕብረና ኣለካ
ስንክልና/ምግድርና ጥዕናዊ ጸገም ወይ ካልእ ፍሉይ ክማላኣለይ ኣለዎ እትብሎ ጠለብ እንተድኣ ኣልዩካ ኣብ ዝቐልጠፈ ክትሕብረና ኣለካ።
